Tāmati Rākena - Bachelor of Education (Teaching) Huarahi Māori

What were you doing before you did the Bachelor of Education (Teaching) – Huarahi Māori?

I mua i taku rukunga i tēnei puna, i noho ahau i raro i ngā parirau o Te Reo Irirangi O Ngāti Hine, hei kaipāoho mō te hōtaka o te atatū.

What motivated you to get into teaching?

I kite ahau i te torutoru noa iho o ngā kaiako tāne, kaiako Māori e kupe ana i tēnei ara, nō reira i toko ake te whakaaro kia uru atu ahau ki tēnei hōtaka ki te poipoi, ki te akiaki i a tātou tamariki e kaingākau ana ki te ao o te mātauranga. Kua hōhā hoki ahau i te noho ki raro pūkai ai me te whakapau kaha ki te mahi hei kaitonotono mō tētahi atu.

I kite hoki ahau i te kounga o ngā mahi kua tutuki i ngā tākuta me ngā ahorangi o te ao Māori. I kaha rātou ki te hanga rautaki, ki te whakarewa i ngā kaupapa hei whakarauora, hei whakaora i a Ngāi Māori. Ka mutu, kei tēnei pae taku aro.

Why did you choose to study the Bachelor of Education (Teaching) – Huarahi Māori?

He maha ngā huānga, ngā manga kei roto i te puna o Te Huarahi Māori hei āpiti ki ōku pūkenga. Mā tēnei ara ka taea e au te huaki i te tini me te maha o ngā tatau hei oranga mōku, mō te iwi, mō tōku whānau anō hoki. Heoi, kei konei tōku whare haumaru, tōku pūmoto hāneanea.

Why did you choose the University of Auckland?

He māmā ake mōku te ako ki Te Whare Wānanga o Tāmaki ki Whangārei Te Terenga Parāoa (Te Tai Tokerau). He tata tēnei whare wānanga ki tōku kāinga, ki tōku whānau, nō te kāinga hoki ngā kaiako. He toa takitini ngā hunga o tēnei wāhi, ā, e kaha ana ngā kaiako me ngā ringa tohu o Te Whare Wānanga ki te tautoko,
ki te tauātoko ingā tauira katoa.

What was your university experience like?

Kāhore e kore he maha ngā aupiki me ngā auheke o tēnei hīkoi, engari mā te ngana me te ūpoko pakaru ki ngā mahi, ka taea e au
te kite i ngā hua e puta mai ana; waihoki e kore roa ka puta tōku ihu i te kohu. Ehara i te mea kua oti pai katoa i ahau ngā mahi, engari kei te timotimo haere i ngā akoranga kei tua.

How was the Huarahi Māori programme?

E kaha ana ngā kaiako ki te tautoko i ngā kāhui huarahi Māori, heoi e kite tonu ana mātou ngā tauira i te rerekētanga o te huarahi auraki. Ki ahau nei, e whakakī tonu ana ngā ringa tohu i ētahi o
ngā whāruarua o ngā hōtaka, kia taurite ngā huarahi e rua; kia kaua tētahi e kounga atu i tērā huarahi.

What about the support services?

Ki ōku ake whakaaro e ngoikore haere ana ētahi o ngā akomanga o tēnei/ ēnei wāhanga. E kite ana hoki i taua ngoikoretanga e puta mai ana i ngā pātū. I tua atu i ēnei, e waimarie ana he hua kei reira mōku.