Teremaanu Hall
“Ko ngā painga o te whakawhitinga moata, tuatahi, ko te tūtaki ki ngā tāngata hōu, tuarua, ko te whakariterite i a koe mō te whare wānanga e mārama rawa ai koe ki ngā āhuatanga o te whare wānanga e tau ai koe.”
Ngā Pārongo
Iwi: Ngāti Manawa, Ngāti Maniapoto, Tūhoe
Kura: Te Kura Kaupapa Māori o Hoani Waititi Marae
“Ko taku tino hiahia kia moata taku whakawhitinga ki te ao pakeke, ki te whare wānanga anō hoki. I pātata hoki, nā reira i māia au ki te whakamātau mehemea he pai rānei ki au te whare wānanga.
“Ko ngā mea tino pārekareka ki au nei, ko ngā mahi whakawhanaunga, me te puta i taku anga i roto i tēnei taiao rere kē, nā tēnei i tipu mai ētahi hononga ki ētahi o aku tino hoa.
“I āwhinatia nuitia au e tēnei kaupapa; i taku taenga mai ki te whare wānanga, mai i tētahi ao, ahurea, hapori Māori ki tētahi whare wānanga Pākehā rawa atu, i uaua rawa ki au i ngā wiki tīmatanga. He mea pai tēnei i te mea i taea tēnei e au. Mehemea i tīmata au i te marama o Māehe, he rere kē anō te timatanga ki roto ia Tōia ki Waipapa me te wāhanga tuatahi o te tau, ā, e kore rawa au e noho mai ki te whare wānanga i tē wāhanga tuatahi, ka wehi rawa.”